८. बाबा आणि औषध निर्मिती
बाबांनी गेल्या अनेक वर्षात लोकांच्या शारीरिक व्याधीं व आरोग्याच्या गरजांवर इलाज करण्याकरता अनेकदा औषधोपचार केलेले आहेत. विशेषतः नागीण किंवा हर्पीस आणि सध्या कॅन्सर किंवा कर्करोगाच्या केसेस त्यांनी अदभूतपणे बऱ्या केल्याचे अनेक दाखले देशातील भागातील त्यांचे विविध शिष्यगण देतात. बाबा रुढार्थाने डॉक्टरकीची परीक्षा दिलेले नाहीत पण त्यांना त्यांच्या गुरूंचा म्हणजे नवनाथांपैकी बाबा जालंधर महाराजांचा आदेश वेळोवेळी मिळतो. त्याप्रमाणे ते त्या आदेशानुसार औषधे तयार करतात. ते औषध तयार करताना ते स्वतः त्या पदार्थांचे कापून तुकडे करून, पाटा-वरवंटा घेऊन वाटून-घाटून, अनेकदा त्याचा लेप, काढा करण्याच्या कामाला स्वतः झोकुन देतात. अर्थात त्यात त्यांच्या पत्नीची त्यांना अत्यंत मोलाची मदत होते पण बाबांना सर्व तंत्रे सांभाळून त्यांच्या बाबांनी सांगितल्याप्रमाणे ते औषध तयार करण्याचे जिकीरीचे, कष्टाचे काम कौशल्याने करावे लागते. या सर्वासाठी ते पैसे घेत नाहीत. कधी कधी सुवर्ण भस्म, पारा तत्सम किंमती गोष्टीचा वापर करायची गरज पडल्यास त्याचा खर्च बाबा त्या व्यक्तीला आधी सांगून करतात. तो द्यावा लागतो. औषधे बनवून ज्यांना देतात त्यांनी त्यानंतर ते औषध घेतल्यावर बाबांचे त्यांच्यावर शेवटपर्यंत लक्ष असते. आता मोबाईल - फोनमुळे बाबा त्यांचा हालहवाल आपणहून फोनने विचारताना अनेक जणांनी त्यांना पाहिले आहे. काहींना कधी कधी वाटते की कशाला बाबांना त्रास द्यावा. आपण तर बरे झालोय. जाऊ दे. बोलू भेटल्यावर, पण बाबांना ते चालत नाही. तेंव्हा आपली तब्बेत सुधारत असल्याची बातमी बाबांना तत्परतेने सांगणे गरजेचे आहे.
------------------------------------------------------------------------------------------
