३. बाबा आणि बुद्धिबळ
साधारण संध्याकाळी बाबांना भेटता येत नाही. कारण चार-पाचच्या सुमाराला वामकुक्षी नंतर बाबा पट मांडून बुद्धिबळ खेळायला त्यांच्या नेहमीच्या आसनावर म्हणजेच हवाईदलात असताना ते पोस्टिंगला उपयोगी पडणाऱ्या लाकडी बॉक्सच्या दिवाणावर मांडी ठोकून सिद्ध असतात. त्यांना पटावरच्या सोंगट्या पटकन मारून खेळ उगीच झटपट संपवणारा खेळाडू आवडत नाही. फाईट टफ द्यावी लागते. पण शेवटी पटावरील बाबांचा राजा केंव्हा, कसा जिंकेल याची चतुर दक्षता त्यांच्या समोर बसलेल्या शिष्य गणांना घ्यावी लागते. कारण कधी कधी समोरच्याचा राजा जिंकला तर पटावर पुन्हा काळ्या-पांढऱ्या सोंगट्या आपापल्या जागेवर जाऊन नव्या खेळीला सुरवात होते.
No comments:
Post a Comment